A Bhainisteoir Stáisiúin, a chara,
Táimid ag forbairt sean-láithreáin gréasáin, Aerthonnta, bunaithe ar an taighde a rinneamar anuraidh.  Go dáta, tá 2 sheirbhís nua á chur ar fáil againn:

1. An tEolaire
Clár de dhaoine a bhfuil Gaeilge líofa acu agus a bhfuil spéis acu clár raidió trí Ghaeilge a dhéanamh.  Tá dhá chatagóir ann, ceann amháin de dhaoine nach bhfuil aon taithí acu sa chraoltóireacht agus catagóir eile de dhaoine a bhfuil taithí chraoltóireachta acu.

Is do Bainisteoirí Stáisiún / Oifigigh Earcaíochta amháin an tseirbhís seo agus beidh fáil acu ar CVanna agus, i gcásanna áirithe, ar chomhaid fhuaime, do gach iarrthóir.

Tá an tseirbhís seo go hiomlán discréideach agus ar fáil saor in aisce do na stáisiúin atá ag feidhmiú le ceadúnas ó Údarás Craolacháin na hÉireann.
Deimhnímid go bhfuil Gaeilge líofa ag gach duine atá luaite san Eolaire ach SIN EILE – ní mór d’fhostóirí gnáth-fhaomhadh a dhéanamh i gcás daoine a fhostaíonn siad.

2. Lár-Phointe Acmhainní do Chraoltóirí Raidió
Is seirbhís dhátheangach í seo atá ar fáil do bhaill foirne i stáisiúin raidió.  An aidhm atá againn ná tacaíocht agus cúnamh a chur ar fáil do chraoltóirí raidió a mbeidh cláracha Gaeilge nó cláracha dátheangacha (i nGaeilge agus i mBéarla) á dhéanamh acu.

Beimid ag leathnú amach na seirbhíse de réir a chéile, le do threoir, chun freastal ar riachtanais Ghaeilge na raidiónna pobail agus tráchtála.  Ba mhór againn aiseolas a fháil uait.

Ó tharla go bhfuil An tEolaire teoranta do Bhainisteoirí Stáisiún / Oifigigh Earcaíochta amháin, beidh ROCHTAIN BHALLRAÍOCHTA ar fáil do bhaill eile an stáisiúin, mar shampla, déantóirí clár, láithreoirí agus léiritheoirí, chun go mbeidh fáil acu ar an LÁR-PHOINTE ACMHAINNÍ.

Féadfaidh daoine a bhfuil ROCHTAIN BHALLRAÍOCHTA ag teastáil uathu ríomhphost a sheoladh á lorg chuig eolas@aerthonnta.ie